गजल

गजल

उड्न थाले चङ्गै चङ्गा, हर्षोल्लासको मौसम आयो
बग्न थाले उत्साहका गङ्गा, हर्षोल्लासको मौसम आयो

बन्द हुन थाले महिनौं का लागि स्कूल कार्यालय
बिस्तारै रम्न थाले केटाकेटी, हर्षोल्लासको मौसम आयो

जमघट बढ्न थाले इष्टमित्र परिवारजन बीचमा
घुमघामहरु हुन थाले ,हर्षोल्लासको मौसम आयो

बढ्न थाले बजारमा मानिसका लहरै लहर हरु
किनमेल हरू हुन थाले, हर्षोल्लासको मौसम आयो

फर्किन थाले सुस्त सुस्त परदेशिएका लाहुरेहरु
दसैं - तिहार सुरु हुन थाले ,हर्षोल्लासको मौसम आयो